Iechyd y Cyhoedd

BSL

Beth yw'r hyb Iechyd y Cyhoedd?

Mae canolfan Iechyd y Cyhoedd, o dan arweiniad Paul Redfern a Helen Rose-Jones, yn helpu Cymunedau byddar ledled Cymru i wella eu hiechyd a’u llesiant..  Rhan o'r gwaith hwn yw sicrhau bod mwy o wasanaethau iechyd a gwybodaeth am iechyd ar gael ar ffurf BSL.

Ymunwch â'r Gymuned

Mapio Gwasanaethau yng Nghymru

Rydym yn ymchwilio i weld pa wasanaethau BSL sydd ar gael ym Myrddau Iechyd Cymru, a pha mor aml y gofynnir am ddehongliad BSL. 

Hybu Iechyd mewn Clybiau Byddar 

Rydym yn codi ymwybyddiaeth o ddiabetes Math 2 a dewisiadau iach mewn mannau cymunedol i bobl fyddar. 

Cefnogi Timau Iechyd y Cyhoedd 

Rydym yn gweithio gyda gwasanaethau fel Helpa Fi i Stopio a Pwysau Iach, Byw’n Iach i wella’r ddarpariaeth BSL sydd ar gael.

Defnyddio'r hyn sydd eisoes ar gael

Rydym yn dod o hyd i fideos iechyd o ansawdd uchel sydd ar gael ar ffurf BSL, ac y gellir eu rhannu ar lwyfannau cenedlaethol fel Iechyd Cyhoeddus Cymru. 

Beth rydym ni'n ei wneud?

Mapio mynediad at wasanaethau 

Rydym yn adolygu pa mor hygyrch yw gwefannau a gwasanaethau ysbyty Byrddau Iechyd i bobl sy’n defnyddio BSL, ac yn rhannu'r canfyddiadau â gwasanaethau dehongli.

Cydweithio â thimau iechyd y cyhoedd 

Rydym yn gweithio gyda gwasanaethau fel Helpa Fi i Stopio ac 111 pwyswch 2 i sicrhau bod cymorth ar ffurf BSL ar gael yn fwy hwylus ac yn fwy amlwg.

Creu cysylltiadau â'r gymuned fyddar 

Rydym yn ymweld â Chlybiau Byddar i rannu adnoddau iechyd sydd ar gael ar ffurf BSL, ac i drafod pynciau allweddol fel diabetes a byw'n iach. 

Gwella gwybodaeth am iechyd 

Rydym yn dod o hyd i fideos iechyd sydd eisoes ar gael ar ffurf BSL, ac y gellir eu hyrwyddo drwy wefannau cenedlaethol fel Iechyd Cyhoeddus Cymru.

Mae’n dal yn anodd i bobl fyddar yng Nghymru gael gafael ar wasanaethau hanfodol ym maes iechyd y cyhoedd. Does dim digon o wybodaeth ar gael ar ffurf BSL – o wefannau i gymorth ar gyfer rhoi'r gorau i ysmygu. Mae hynny’n effeithio ar ein hiechyd a'n dewisiadau. Rydym yn gweithio i newid hynny er mwyn i bobl fyddar allu cael gafael ar y cymorth angenrheidiol i fyw'n dda.

Ffeithiau a Ffigurau

  • Mae rhwng 4,000 a 69,000 o bobl yn defnyddio BSL yng Nghymru

  • Mae pobl fyddar yn wynebu rhwystrau annheg rhag mwynhau iechyd a llesiant da, yn enwedig o ran iechyd meddwl

  • Nid oes gan BSL yr un statws cyfreithiol â'r Gymraeg ar hyn o bryd, ac felly mae'n aml yn cael ei ystyried yn rhywbeth 'braf i’w gael' yn hytrach nag yn rhywbeth hanfodol

  • Ychydig iawn o adnoddau iechyd a meddygol sydd ar gael ar ffurf BSL, sy'n golygu bod llawer o bobl fyddar yn ei chael hi'n anodd cael gafael ar wybodaeth hanfodol am eu hiechyd.

Cwestiynau cyffredin

Pa mor bwysig yw'r ganolfan hon?

Mae'r ganolfan hon yn bwysig oherwydd bod pobl fyddar yn wynebu rhwystrau rhag mwynhau iechyd a llesiant da mewn sawl agwedd ar fywyd. Mae hynny’n annheg, ac mae angen mynd i'r afael â hynny. 

Pa fath o gynlluniau sydd ar y gweill?

Rydym yn cynnal mwy o ddigwyddiadau allgymorth mewn Clybiau Byddar a mannau cymunedol, ac yn cwrdd â chydweithwyr yn y GIG a'r trydydd sector i gyd-gynhyrchu atebion a hyrwyddo BSL ym maes gwasanaethau iechyd y cyhoedd.

Pam mae angen gwneud hyn?

Yn rhy aml, nid yw pobl fyddar yn cael eu cynnwys mewn gwasanaethau a negeseuon ym maes iechyd y cyhoedd. Os nad oes gwybodaeth ar gael ar ffurf BSL, dydyn ni ddim yn cael y cyfle i wneud dewisiadau ar sail gwybodaeth. Rydym wrthi’n casglu tystiolaeth i ddangos ble a sut mae'n rhaid newid y system.

Rydw i eisiau helpu – beth alla i ei wneud?

Gallwch rannu eich profiadau, ymuno ag un o'n digwyddiadau, neu helpu i ledaenu'r gair. Boed hynny'n golygu rhoi adborth neu ein helpu ni i gysylltu â'ch cymuned, byddem yn falch iawn o glywed gennych chi.

Ymunwch â'r Gymuned